Մանրամասները

«Ժառանգություն» կուսակացության շնորհավորական ուղերձն Արցախի Հանրապետության ընտրված նախագահին

2020թ աշնանը հայկական զույգ պետությունները ցնցած աղետալի պատերազմի արդյունքում, ինչպես նաև ՀՀ իշխող վարչախմբի հանցավոր գործունեությամբ և անգործությամբ պայմանավորված ամբողջապես խարխլվեցին Հայաստանի և Արցախի անվտանգային համակարգերը, Արցախի Հանրապետության քաղաքացիները թողնվեցին Ադրբեջանի ցեղասպան քաղաքականության վտանգավոր թիրախում: Լիակատար շրջափակման մեջ գտնվող մեր հայրենակիցների անկոտրում կամքն ու պետական ինստիտուտների անխափանության սկզբունքի գիտակցումը հույսի շող են սպասվելիք դժվարությունների հորձանուտում:

Մանրամասները

ՀԱՅՈՑ ԱՐԴԻ ՊԵՏԱԿԱՆՈՒԹՅԱՆ ՀԱՆԳՈՒՑԱԼՈՒԾՈՒՄԸ՝ ՍԵՊՏԵՄԲԵՐԻ 2-Ի ՈՒ 21-Ի ԻՐԱՎՈՒՆՔՈՎ ՄԻԱՅՆ․ Րաֆֆի Հովհաննիսյան


Մեր վաղը լուծվում է այսօր. 32 տարի անց կրկնում եմ։

Միացյալ Արցախի օրինավոր ու իրավակարգ անջատումն անկախացող Խորհրդային Ադրբեջանից և Հայաստանի Հանրապետության ինքնիշխանության վերականգնման հանրաքվեն մեր ժամանակակից պետականության հիմնասյուներն են։

Համազգային-պետական այս դարակազմիկ հանգրվանը հաղթահարելու համար հենց դրանք են, որ մի քանի նմանների հանգույն արժանի են և ենթակա հրամայական հարգանքի, սիրո ու խոնարհման։

Արցախն էափոխման իր նախադեպ օրինակով ճանապարհ է նշմարում։ Սփյուռքը դեռ երկար կպայքարի բարի և հոռի օրինակների հետքերով։

Հերթը Հայաստանինն է, և հիմա։

Բոլորս միասին, որպեսզի Սեպտեմբերի 2-ը երբեք չդառնա Ապրիլքսանչորս, իսկ Սեպտեմբերի 21-ը՝ Դեկտեմբերերկու։

Շարժ արա, Երևան իսկական։

 

Րաֆֆի Կ. Հովհաննիսյան
2 սեպտեմբեր, 2023
Երևան-Բրյուսել

Մանրամասները

Խունկ ու աղոթք Ռիչարդ Հովհաննիսյանի մահվան 40-րդ օրվա առիթով

Օգոստոսի 20-ին Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի նախագահությամբ կատարվեց հոգեհանգստյան կարգ ի հիշատակ Ռիչարդ Հովհաննիսյանի մահվան 40-րդ օրվա։

Մանրամասները


Արցախի Հանրապետության
Ազգային ժողովի նախագահ
Դավիթ Իշխանյանին
Ստեփանակերտ
 

Հարգելի Ռահակից,

Շնորհավորում ենք ազգային-պետական ամբողջանվեր ծառայության Ձեր արդի հանգրվանը, զինակցում ենք և խորապես հավատում։

Վասն հայրենյայց՝ պարտավոր ենք շարունակել մեր դարավոր պայքարը՝ բոլորով հանդերձ և ի հեճուկս ամենի, ի կատա՛ր։
 

Րաֆֆի Կ․ Հովհաննիսյան
Արտաքին գործոց առաջին նախարար
«Ժառանգություն» կուսակցության հիմնադիր նախագահ
Երևան

Մանրամասները

ՌԻՉԱՐԴ ՀՈՎՀԱՆՆԻՍՅԱՆԻ ՔԱՌԱՍՆՕՐԵՔԻ ՀՈԳԵՀԱՆԳԻՍՏԸ՝ ՕԳՈՍՏՈՍԻ 20-ԻՆ

Հանուն Ռիչարդ եւ Վարդիթեր Հովհաննիսյանների գերդաստանի՝ մեր սրտանց շնորհակալությունն եմ հայտնում բոլոր նրանց, ովքեր այս դժվարին շաբաթների ընթացքում ոգու ուժ, մաքուր խիղճ ու ճշմարիտ ուղի գտան անկեղծորեն կիսվելու Հայրիկի կյանքին ու կորստյանը նվիրված ցավակցական խոսք ու գիրով։

Ամենայն Հայոց Կաթողիկոսից ու Մեծի տանն Կիլիկիո վեհապետից մինչեւ Հայաստանի Հանրապետության երկու նախկին նախագահ եւ արտգործնախարար, մեկ նախկին վարչապետ և պաշտպանության նախարար, պատգամավորներ, համայնքապետեր և Սփյուռքի հանձնակատար, ինչպեսեւ Արցախի մեկ նախկին նախագահ եւ գործող արտգործնախարար, դեսպաններ և դիվանագետներ, Գիտությունների ազգային ակադեմիայի նախագահից, հայաստանյան ու սփյուռքահայ հարյուրավոր հաստատությունների ղեկավարներից ու մտավորականներից մինչեւ հազարավոր շարքային քաղաքացիներ, աշխարհասփյուռ հայրենակիցներ՝ խորապես երախտապարտ ենք Ձեր զորակցության արտահայտությունների համար։

Հայրիկի՝ Հայաստանի Հանրապետության ակադեմիկոս, Կալիֆորնիայի պետական համալսարանի Արդի հայոց պատմության ամբիոնի հիմնադիր վարիչ, պրոֆեսոր Ռիչարդ Հովհաննիսյանի քառասնօրեքի հոգեհանգստյան կարգը կկատարվի կիրակի՝ օգոստոսի 20-ին, ժամը 13։00-ին՝ հավարտ Սբ․ Պատարագի, Երեւանի Սբ. Սարգիս առաջնորդանիստ եկեղեցում։

Վասն հավատո եւ հայրենյաց՝ նրա ողջ կյանքով կերտած՝ ազգային եւ համամարդկային կենդանի ժառանգությունը հարգողները սիրով հրավիրվում են։
 

Րաֆֆի Կ. Հովհաննիսյան
1 օգոստոսի 2023
Երեւան

Մանրամասները