31 հոկտեմբերի 2013թ., Երևան: Այսօր՝ հոկտեմբերի 31-ին, ՀՀ ԱԺ «Ժառանգություն» խմբակցությունում ԵՄ-Հայաստան խորհրդարանական համագործակցության հանձնաժողովի բյուրոյի առաքելության ծրագրի շրջանակներում հանդիպում տեղի ունեցավ ԵՄ ներկայացուցիչների՝ ԵՄ-Հայաստան խորհրդարանական համագործակցության հանձնաժողովի նախագահ պարոն Միլան Ցարբնոխի, հանձնաժողովի քարտուղար պարոն Ֆիլիպ Կամարիսի, քաղաքական խմբի խորհրդական պարոն Վոյչեկ Յան Դանեցկիի հետ:
ՀՀ ԱԺ նախագահը խորհրդարանական խմբակցությունների ղեկավարների հետ երկօրյա խորհրդակցությունների արդյունքում հոկտեմբերի 23-ին սահմանել է « Միջազգային խորհրդարանական կազմակերպություններում ՀՀ ԱԺ պատվիրակությունների կազմավորման եւ դրանց գործունեության կարգը» եւ դրա վրա հենվող ՀՀ ԱԺ նախագահի կարգադրությունը՝ «Միջազգային խորհրդարանական կազմակերպություններում ՀՀ ԱԺ պատվիրակությունների տեղերի բաշխման սահմանաքանակի մասին»:
23 հոկտեմբերի, 2013թ., Երեւան: Հոկտեմբերի 22-ին կայացավ«Ժառանգություն» կուսակցության վարչության նիստ: Նիստում քննարկվող հարցերի թվում վարչության փոխնախագահ Արմեն Մարտիրոսյանը եւ ԱԺ խմբակցության նորընտիր ղեկավար Զարուհի Փոստանջյանը զեկուցեցին կուսակցության խորհրդարանական խմբակցությունում կատարված փոփոխությունների մասին:
«Ժառանգություն» կուսակցությունը խիստ մտահոգ է Հայաստանի Հանրապետությունում օրըստօրե վատթարացող սոցիալ-տնտեսական եւ քաղաքական վիճակից՝ գնահատելով այն որպես օրհասական ու անհապաղ արձագանք պահանջող:
