Հայտարարում է Լեռնային Ղարաբաղի ինքնիշխանության եւ ամբողջականության մասին
Երեւան: «Ժառանգություն» կուսակցության նախագահ, ՀՀ առաջին արտգործնախարար Րաֆֆի Կ. Հովհաննիսյանը վերադարձավ Բաքվից, որտեղ նոյեմբերի 21-24-ը մասնակցում էր Ասիական քաղաքական կուսակցությունների միջազգային կոնֆերանսի 7-րդ Գլխավոր ասամբլեայի աշխատանքներին: Համաժողովին մասնակցում էին Ասիայի 25 երկրների 60 քաղաքական կուսակցությունների 250 պատվիրակներ, ինչպես նաեւ հյուրընկալող երկրի գործիչներ:
«Ժառանգություն» կուսակցության հիմնադիր և առաջնորդ, Հայաստանի Հանրապետության նախկին արտգործնախարար Րաֆֆի Հովհաննիսյանը, Ադրբեջանի մայրաքաղաք Բաքվում լրագրողների հետ հանդիպման ընթացքում, անդրադառնալով Լեռնային Ղարաբաղի հակամարտության կարգավորմանը, հույս է հայտնել, որ հակամարտության կողմերը կկարողանան հասնել խաղաղության և վերականգնել հարաբերությունները:
Ֆլորա Մարտիրոսյանի ընտանիքին
Երեւան, Հայաստանի Հանրապետություն
Խորապես վշտացած եմ Հայաստանի ժողովրդական արտիստ, սիրված երգչուհի եւ հասարակական գործիչ Ֆլորա Մարտիրոսյանի անժամանակ մահվան գույժից: Նա գնաց՝ խառնվելու անմահությանը՝ թողնելով մեզ ժողովրդական եւ գուսանական երգարվեստի հրաշալի նմուշների իր անզուգական վերծանումները: Գնաց ազգի «Դլե յամանի», «Ադանայի», մեր մխացող ցավի ու կարոտի անգերազանցելի թարգմանը: Գնաց՝ ճմլելով համայն հայոց սրտերը, ինչի կապակցությամբ ցավակցություններս եմ հայտնում անմահ երգչուհու եւ մեծ հայուհու հարազատներին, գործընկերներին ու նրա հոգեպարար ձայնի բազմահազար երկրպագուներին:
Անչափելի է Ֆլորա Մարտիրոսյանի ավանդը ե՛ւ մեր մշակույթում, ե՛ւ հայանպաստ նախաձեռնություններում: Նրա անունն ու գործը մնայուն ժառանգություն են:
Աստված հոգին լուսավորի եւ օրհնյալ լինի նրա հիշատակը:
Վշտակցաբար`
Րաֆֆի Կ. Հովհաննիսյան
Երեւան:«Ժառանգություն» կուսակցության նախագահ եւ ՀՀ նախագահի հայտարարված թեկնածու Րաֆֆի Կ. Հովհաննիսյանը այսօր մեկնում է Բաքու` մասնակցելու եւ ելույթով հանդես գալու նոյեմբերի 22-23-ին գումարվող «Ասիայի քաղաքական կուսակցությունների միջազգային համաժողովի» (ICAPP) Գլխավոր ասամբլեայում:
Րաֆֆին ընտրեց Հայաստանը: Եվ մենք բարեբախտություն ունեցանք ծանոթանալու, շփվելու: Նրա որոշումներն ընդունվում, ընկալվում են օրհնված ակնածանքով և, ի վերջո, դառնում բոլորինս: Նա դժվար բացահայտելի մարդկանցից է, ում մեջ ապրող լեգենդը թույլ չի տալիս հասկանալ նրան մինչև վերջ: Նա բազմիցս լսել է. «դե՛, եկար, այժմ կարող ես վերադառնալ, այլևս հերիք է»: Հիմա նա չի էլ հիշում, թե ովքեր էին ասողները, բայց հիշում է, որ շուրջ 20 տարի առաջ այս հորդորը լսելուց միայն ժպտացել է: Միգուցե այդպես է արտահայտել իր արհամարհանքը, քանի որ դժվար ընտրությունն արդեն կատարել է՝ մեկընդմիշտ նվիրվել ամենահայկականին` հայությանը պատկանող ավետյաց երկրին, իր Հայրենիքին, որին միացնում է բոլորիս ոչ միայն անցյալը, այլև ապագան:
