Պարոն Վիլֆրեդ Մարթենսին
Եվրոպայի ժողովրդական կուսակցության նախագահ
Հարգելի պարոն,
Ինչպես գիտեք, ս.թ. փետրվարի 18-ին Հայաստանում տեղի ունեցան նախագահական ընտրություններ: Դրանցում հիմնական պայքարը ծավալվեց ընդդիմադիր «Ժառանգություն» եւ իշխանական Հանրապետական կուսակցությունների առաջնորդների միջեւ. երկուսն էլ` Եվրոպական ժողովրդական կուսակցության դիտորդ-անդամ:
13 մարտի 2013թ., Երեւան: Այսօր Ազատության հրապարակում շարունակվեց Րաֆֆի Հովհաննիսյանի հացադուլի ակցիան, որտեղ կեսօրին մամլո ասուլիս տվեց «Ժառանգության» փոխնախագահ Արմեն Մարտիրոսյանը: Հովհաննիսյանին Ազատության հրապարակում այցելեցին եւ զորակցություն հայտնեցին ՀՅԴ-ից Արմեն Ռուստամյանը, ՀԱԿ-ից Լեւոն Զուրաբյանը, Արամ Մանուկյանը, տեր Գրիգորը, գործարար Խաչատուր Սուքիասյանը, այլ գործիչներ: Հովհաննիսյանին այցելեց նաեւ ՀՀ ոստիկանապետ Վլադիմիր Գասպարյանը:
12 մարտի 2013թ., Երեւան: Այսօր Ազատության հրապարակում շարունակվեց Րաֆֆի Հովհաննիսյանի հացադուլի ակցիան, որտեղ կեսօրին մամլո ասուլիս տվեց «Ժառանգության» խորհրդարանական խմբակցության ղեկավար Ռուբեն Հակոբյանը: Հովհաննիսյանին Ազատության հրապարակում այցելեցին եւ զորակցություն հայտնեցին ՀՅԴ ղեկավարներից Վահան Հովհաննիսյանը, ԱԺ պատգամավոր Խոսրով Հարությունյանը, այլ գործիչներ:
11 մարտի 2013թ., Երեւան: Այսօր Ազատության հրապարակում շարունակվեց Րաֆֆի Հովհաննիսյանի հացադուլի ակցիան: Հովհաննիսյանին Ազատության հրապարակում այցելեցին եւ զորակցություն հայտնեցին ԲՀԿ պատգամավորներ Վարդան Օսկանյանը, Գուրգեն Արսենյանը, ՀԺԿ առաջնորդ Ստեփան Դեմիրճյանը, այլ քաղաքական, մշակութային, հասարակական գործիչներ:
10 մարտի 2013թ., Երեւան: Այսօր Ազատության հրապարակում Րաֆֆի Հովհաննիսյանի հրավիրած բազմահազարանոց հանրահավաքն ավարտվեց ՀՀ նախագահի հաղթանակած թեկնածուի հատուկ հայտարարությամբ, որի մասին խոստացվել էր դեռ օրեր առաջ: Հովհաննիսյանը հայտարարեց Սերժ Սարգսյանի ինքնաբացարկի պահանջի եւ այդ պայքարում հացադուլի դիմելու իր որոշման մասին: “Սա հացադուլ չէ` կեղծիքադուլ է, վախադուլ է, ստադուլ է”,- հայտարարեց Հովհաննիսյանը:
9 մարտի 2013թ., Երեւան: Այսօր ՀՀ նորընտիր նախագահ Րաֆֆի Հովհաննիսյանը շարունակեց իր այցելությունները մարզեր: Մասնավորապես նա այցելեց Վարդենիս, Ակունք, Մարտումի, Գավառ, Սեւան: Ամենուրեք մեծաթիվ համաքաղաքացիներ դիմավորում էին նրան մեծ ոգեւորությամբ: Այդկերպ, ժողովուրդը ամրագրում էր իր հաղթանակը ՀՀ նախագահական ընտրություններում:
