24 նոյեմբերի, 2017 Բրյուսել։ Երեկ Բելգիայի մայրաքաղաք Բրյուսելում տեղի ունեցավ Եվրոպայի Ժողովրդական կուսակցության (ԵԺԿ) Արեւելյան գործընկերության անդամ երկրների կուսակցությունների առաջնորդների 6-րդ գագաթաժողովը, որին Հայաստանից մասնակցում էին «Ժառանգություն» կուսակցության առաջնորդ Րաֆֆի Հովհաննիսյանը եւ Հայաստանի Հանրապետական կուսակցության նախագահ Սերժ Սարգսյանը։
Հանդիպմանը ելույթով հանդես եկավ Րաֆֆի Հովհաննիսյանը` անդրադառնալով Հայաստանի ժողովրդավարական վիճակին, Հայաստան-ԵՄ հարաբերություններին, ապագայում Հայաստանին սպասվող տարածաշրջանային մարտահրավերներին, ինչպես նաեւ արցախյան հիմնախնդրին:
ԵԺԿ նախագահ Յոզեֆ Դոլի ղեկավարությամբ գագաթաժողովին իրենց մասնակցությունն ունեցան Եվրոպական Խորհրդի նախագահ Դոնալդ Տուսկը, Եվրոպական Հանձնաժողովի նախագահ Ժան-Կլոդ Յունկերը, Ուկրաինային նախագահ Պետրո Պորոշենկոն եւ այլ երկրների առաջնորդներ: